Ўзбекистон КХДРни мағлуб этиб кейинги босқичга чиқди! - Новости - - •°•Www.Uz-Kino.Uz•°•

Online:

Visited Today:

Total online: 1

Guests: 1

Users: 0

Reklama

Ўзбекистон КХДРни мағлуб этиб кейинги босқичга чиқди!

Ўзбекистон – КХДР ўртасидаги учрашувнинг 3-дақиқасида Александр Гейнрих чап қанотда рақибларни икки марта алдади ва тўпни ҳаволатиб жарима майдонига оширди. Максим Шацкихнинг боши билан берган зарбаси бироз юқоридан кетди. Кейинги вазиятда рақибларимиз вакили Пак Нам Чол жарима майдони чизиғидан туриб Нестеров қўриқлаётган дарвозанинг тўсинини нишонга олди. 18-дақиқада Темур Кападзенинг етказиб берган тўпидан сўнг Александр Гейнрих боши билан дарвоза томон зарба берди, тўп дарвоза тўсинига тегиб майдонга қайтди, қайтган тўпни Вагиз Галиулин жарима майдони ташқарисдан туриб дарвозага йўллади, бу сафар тўп дарвоза устунига тегиб қайтди. 33-дақиқада Жепаров тезкор тарзда бурчак тўпини Гейнрих билан ўйнади, жарима майдонига оширилган тўпни ҳимоячилар қайтаришди. Ҳайдаровнинг зарбаси яна ҳимоячиларга тегиб қайтган бўлса, Карпенконинг зарбаси эса юқоридан ўтиб кетди. Биринчи бўлимга қўшиб берилган дақиқаларда Гейнрихнинг чап оёқда жарима майдони чизиғидан берган зарбаси дарвоза устини ёнидан ўтиб кетди. Шундай қилиб биринчи бўлимда ҳисоб очилмади.

Иккинчи бўлимни ҳужумкор тарзда бошлаган терма жамоамиз тез орада ҳисобни очди. Гейнрихнинг бурчакдан ошириб берган тўпидан сўнг Темур Кападзе боши билан дарвозга гол киритди – 1:0. Қолган дақиқаларда ҳисоб ўзгармади ва Ўзбекистон терма жамоаси ЖЧ 2014 саралаш баҳсларининг сўнгги босқичига муддатдан аввал йўлланмани қўлга киритишди.

Ўзбекистон – КХДР 1:0 (0:0)
Гол: Темур Кападзе 48, - 1:0.
Ҳакамлар: Андре эл Хаддад, Али Ади, Хади эл Кассар, Радван Гандур (барчаси Ливан).
Назоратчи: Маъсуд Морадий (Эрон).
Комиссар: Мухаммад Сауд Айман (Иордания).
Ўзбекистон : Игнатий Нестеров, Виталий Денисов, Ислом Тўхтахўжаев, Одил Аҳмедов, Виктор Карпенко (Шавкат Муллажонов, 54), Вагиз Галиулин, Темур Кападзе (Лутфулла Тўраев, 86), Азизбек Ҳайдров, Сервер Жепаров, Максим Шацких (Санжар Турсунов, 74), Александр Гейнрих
КХДР : Ри Мёнг Гук, Ча Жонг Хёк (Ри Кван Хёк, 42), Пак Нам Чол, Ри Кванг Чон, Кянг Ёнг Ги (Жон Ил Гван, 53), Ри Чол Мёнг, Жонг Тае Се, Жон Кванг Ик, Пак Нам Чол, Ан Ёнг Хак (Пак Сонг Чол, 65), Жанг Сонг Хёк
Огоҳлантиришлар: Ча Жонг Хёк 15, Пак Нам Чол 47, Ан Ёнг Хак 62, Вагиз Галиулин 72.

ЖЧ 2014 Саралаш баҳслари - ОСИЁ

Учинчи босқич

№	С Гуруҳи	Ў	Ю	Д	М	Т-Н	О
1	Япония	4	3	1	0	14-1	10
2	ЎЗБЕКИСТОН	4	3	1	0	4-1	10
3	КХДР	4	1	0	3	1-3	3
4	Тожикистон	4	0	0	4	0-14	0